An Post Commerce– Seirbhís Atreoraithe do Ghnólachtaí

An bhfuil tú ag bogadh go dtí oifig nua agus an mian leat a chinntiú go gcuirfear do phost agus do bheartáin ar aghaidh chuig do sheoladh nua? Lenár seirbhís atreoraithe poist, seolfar do phost ar aghaidh chuig pé áit a dteastaíonn uait, ar feadh tréimhse chomh fada le bliain.

Cad a chuireann an tseirbhís atreoraithe poist ar fáil?

• Do phost a atreorú ar feadh tréimhse chomh fada le bliain
• Cuirfear do phost ar aghaidh chuig an seoladh a roghnaíonn tú, bíodh sin sa bhaile nó thar lear
• Is féidir post a atreorú ar feadh tréimhsí chomh fada le mí amháin, trí mhí, sé mhí nó 12 mhí – is é do rogha é

Conas a oibríonn atreoruithe poist?

1. Íoslódáil foirm iarratais ar atreorú poist ghnó nó faigh ceann ag d’oifig phoist áitiúil
2. Comhlánaigh an fhoirm agus bí cinnte go gcuireann tú gach giorrúchán a bhaineann le hainm do ghnólachta san áireamh
3. Cuir an fhoirm ar ais chuig oifig phoist ar bith, leis an íocaíocht chuí, ar a laghad cúig lá roimh an dáta is mian leat a thosóidh an tseirbhís
4. Nó is féidir í a sheoladh chuig Aonad Atreoraithe An Post (Redirection Unit), Ard-Oifig an Phoist, Sráid Uí Chonaill Íochtarach, Saorphost, Baile Átha Cliath 1, D01 F5P2

Cad é an costas chun post a atreorú?

Tréimhse Ama	Seoladh in Éirinn nó i dTuaisceart Éireann  (táille in aghaidh an ainm chuideachta)	Seoladh thar lear  (táille in aghaidh an ainm chuideachta)
Chomh fada le mí	€90.00	€120.00
Chomh fada le trí mhí	€220.00	€300.00
Chomh fada le sé mhí	€320.00	€440.00
Chomh fada le 12 mhí	€440.00	€595.00

Ceisteanna a chuirtear go minic faoi atreoruithe do ghnólachtaí beaga

Conas a chuirtear an tseirbhís ar ceal?

Más mian leat an tseirbhís a chur ar ceal, ní mór duit é sin a dhéanamh i scríbhinn. Má tá ceist agat, is féidir ríomhphost a sheoladh chugainn ag Redirections.Centre@anpost.ie
 

Cá fhad a thógann sé chun an tseirbhís atreoraithe a chur ar bun?

Teastaíonn fógra ar a laghad cúig lá oibre uainn chun an tseirbhís a chur ar bun agus bíonn moill lá oibre amháin ar a laghad i gceist chun post atreoraithe a sheachadadh.
 
 Ní mór ainm na cuideachta nó an ghnólachta a chur ar taispeáint in áit bhuan, fheiceálach ag an seoladh nua sular féidir linn do phost a atreorú.
 

Cé mhéad sínithe a theastaíonn chun atreorú a dhéanamh?

Teastaíonn dhá shíniú ach amháin i gcás trádálaí aonair. I gcás cuideachtaí teoranta, ní mór do rúnaí na cuideachta agus ar a laghad stiúrthóir amháin an fhoirm a shíniú. I gcás comhpháirtíochtaí nó cumann, ní mór do gach comhpháirtí nó comhlach an fhoirm a shíniú.

 
Léigh na Téarmaí agus Coinníollacha